Delmorrazo.com
Conectate al Morrazo
Concellos
Indispensables
Donde ...
Guia

  ANTEPROXECTO DA FRONTE MARITIMA DE DOMAIO POR JUAN FERNANDEZ RIVAS ::
Dende o estudio do arquitecto Juan Fernandez Rivas, fannos chegar a súa particular proposta para o acondicionamento da fronte marítima de Domaio.
O proxecto, moi elaborado e innovador, vai na liña do deseño arquitetónico habitual neste recoñecido profesional autor, entre outros, de renomeados proxectos municipais coma o remodelado do Paseo da Mona en Tirán, a recuperación do entorno da igrexa de S.Martiño ou o acondicionamento do paseo marítimo do Con en Moaña.

ESPACIO DE INTERVENCION

O espacio da intervención de aproximadamente 1.500 m de borde marítimo, está situado en Domaio, no interior da cara Norte da Ría de Vigo, unha dársena natural, orientada o Sur, tranquila e ben abrigada dos temporais de inverno.
É o borde mariño dun gran val agrícola , atravesado por dous ríos e abrazado polo monte Faro que o protexe cara o Norte . Todo isto ó pé da Ponte de Rande, sempre presente nas panorámicas do paseo.

A intervención vai dende o Porto de Domaio ( Portos de Galicia ) ata o parque infantil situado fronte a Igrexa de Domaio ; este espacio foi o resultado dun recheo de sobrantes da construcción da autopista nos anos 80.

O recheo dos anos 80 sepultou as praias do fronte marítimo pero conquistou este fronte para uso público , co paso dos anos propiciou a aparición de novas praias ,asentamentos de area propiciados pola nova xeometría da costa .

Domaio e un lugar estratéxico, ben comunicado por mar, terra e aire, tranquilo, preto do aeroporto, a carón de Vigo, con campo de golf, no pé da Ponte de Rande,lugar fértil, soleado, productivo ... con calado.

Un extenso fronte MARÍTIMO e FLUVIAL, do núcleo urbano de Domaio, con un grandísimo potencial tanto para uso público como para actividades portuarias compatibles.

PROPOSTA DO ARQUITECTO

Un gran PORTO, PARQUE e PRAIA, donde se mesturan dun xeito natural todas as actividades do día a día, ligados o mar, aos ríos. Solucións brandas e armónicas; recuperando o recuperable e reinventando a natureza. Un borde artificial dun xeito natural, con espacios pensados para a XENTE, os anciáns, para os nenos, para os mozos, para a xente do mar.

Lugar de paseo, de reunión, espacio para festas, concertos, deporte, ocio ... Con baixadas o mar e aparcamentos axardinados, verdes cando non se usan .
Unha solución branda, coas circulacións ben dimensionadas, degradando a circulación cara o mar; vía de servicio, carril bici e sendas peatonais, rematando en certos tramos con paseo de madeira sobre a escollera.
Concentrando nun EDIFICIO, todos os servicios necesarios: Estación marítima, Clube náutico , servicios de praia e restaurante.

TRES PRAZAS de pedra ocupan os extremos Este, Oeste e a parte central. Unha praza no club de xubilados, prolongación exterior de este edificio publico, cara o mar. Outra central, en formigón branco con xuntas verdes, espacio servidor do Porto Deportivo , estación marítima e praias centrais.

Un NOVO CENTRO URBANO ...

PRAZA CENTRAL-ESTACION MARITIMA

EMBARCADEIRO – PRAZA OESTE

A terceira PRAZA tanxente a PO-551 , con skate park e parada de bus .

Se desexas máis información sobre este proxecto podes descargar un plano de planta detallado ou poñerte en contacto co Estudio de Arquitectura Miramar .

OLLAR OUTROS ARTIGOS DE OPINIÓN >>

    Añade delmorrazo.com a favoritos   Añadir a favoritos         delmorrazo.com como página de inicio    Página de inicio           Imprimir esta web    Imprimir
       Agrega tu enlace a delmorrazo.com      Agregar link        Sobre la edición de este sitio    Edición        Contacta con nosotros    Contacta
delmorrazo.com © Todos los derechos reservados