Axuda á difusión do bono peaxe, colocando na túa web o banner que tes abaixo, facendo unha ligazón a a esta reportaxe mediante o acceso directo:
http://www.delmorrazo.com/tribuna/nonpeaxe.html

- Estar empadroado en calquera dos concellos da provincia de Pontevedra.
- Ser titular dun vehículo polo que se pague o imposto sobre vehículos de tracción mecánica nos mencionados concellos, entendéndose por titular dun vehículo ademais dos propietarios, os usuarios deses vehículos que teñan unha autorización de uso do propietario.
- Estar ó corrente das súas obrigas tributarias e non ter pendente de pagamento ningunha débeda coas administracións públicas.

Expedirase unha soa tarxeta ou incluirase un dispositivo de peaxe dinámica por vehículo e os solicitantes das axudas deberán ter unha conta soporte de tarxeta ou do dispositivo de peaxe dinámico na que deberán facerse os cargos e aboamentos.

As solicitudes poderán presentarse durante todo o ano. As solicitudes e renovacións presentadas entre o 1 de setembro e o 31 de decembro terán efectividade durante os dous anos naturais seguintes ó ano da presentación. As solicitudes e renovacións presentadas entre o 1 de xaneiro e o 31 de agosto serán efectivas o que reste do ano e o ano natural seguinte.

Nos casos de renovación da axuda, e con obxecto de que o dereito a percibi-la subvención da tarxeta ou OBE se manteña ininterrumpidamente, a solicitude de renovación deberá presentarse entre o 1 de setembro e o 1 de decembro do último ano para os que foi concedida subvención. O dereito a percibi-la subvención nace unha vez realizada a viaxe entre Vigo-O Morrazo e O Morrazo-Vigo sendo necesario o uso da tarxeta.