Delmorrazo.com
Conectate al Morrazo
Concellos
Indispensables
Donde ...
Guia

  Arrinca o Directo Xove. Cangas do Morrazo 2006
A Concellería de Xuventude do Concello de Cangas presentou neste mes de Marzo o proxecto Directo Xove 06, que centrará a programación musical deste ano na vila pontevedresa.
O Concelleiro de Xuventude e Deportes, José Luis Gestido Porto, anunciou na rolda de prensa que tivo lugar na Casa da Xuventude de Cangas que a ducia de bandas participantes tocarán polos locais do municipio cada venres, entre o 24 de Marzo e o 9 de Xuño.
O ambicioso programa cultural culminará no mes de San Xoan co Festival Directo Xove, cunha doble xornada de concertos na praia de Rodeira.
As actuacións dos venres son de balde e arrincarán o vindeiro 24 de marzo co concerto do grupo Estado Puro no pub Dedos, para continuar a semana seguinte no Moulin Rouge con Dos Pelos Negros.

En abril, Malas Pulgas Actuará no Moulin Rouge o venres 7, mentres que Thunn! o fará no mesmo local o venres 14, Fly Bronze Lines o día 21 en Dedos e a banda Datrebil o venres 28 de novo no Moulin Rouge.

Maio comezará con Jit! en Zeus o día 5, seguirá o 12 con Fíjado Korroído no local O Botellón e o 19 con Ludovaina no Triskele, para rematar o venres 26 co concerto de Lavorda no Moulin Rouge.

O grupo Dianota pasará por Dedos o 2 de xuño e Éxodo pechará a rolda o día 9 no Moulin Rouge.

O areal de Rodeira acollerá o Festival Directo Xove os días 23 e 24 de xuño. Cada noite tocarán seis bandas locais mais un cabeza de cartel con entrada gratuíta.


  Editaranse 1.000 CDs recopilatorios do Directo Xove 2006 ::

Sitio web do Directo Xove 2006
O proxecto Directo Xove 06 inclúe a edición dun cd cun tema de cada grupo participante.

Tiraranse 1.000 copias do CD, co obxectivo promocionar as bandas locais dando a coñecer a súa música.

A gravación xa está en marcha co fin de ter o cd rematado o antes posible.

Doutra banda, o Directo Xove conta nesta terceira edición cunha renovada páxina web na que é posible escoitar os temas dos grupos incluídos no programa, ademais de ollar fotografías e mirar datos sobre as doce bandas. Tamén se atopa dispoñible na web toda a información referida ós concertos de cada venres, o Festival de Rodeira e a historia do Directo Xove.

Delmorrazo.com - Marzo de 2006

Volver a TRIBUNA LIBRE >>

    Añade delmorrazo.com a favoritos   Añadir a favoritos         delmorrazo.com como página de inicio    Página de inicio           Imprimir esta web    Imprimir esta web
       Agrega tu enlace a delmorrazo.com      Agregar link        Sobre la edición de este sitio    Edición        Contacta con nosotros    Contacta
delmorrazo.com © Todos los derechos reservados